Bakıda çay evində bıçaqlanma hadisəsi törətməkdə təqsirli bilinən 1999-cu il təvəllüdlü Məhərrəm Quliyevin cinayət işi üzrə məhkəmə prosesi başa çatıb.
Beş.az teleqraf.com-a istinadən xəbər verir ki, Məhərrəm Quliyev Xətai rayonu Neapol küçəsində "Antalya" dönər evinə gəlib, orada çay içərkən digər masada əyləşmiş Hüseynlə görüşüb.
Məhərrəm Hüseynin saymazyana və özünü üstün tutaraq görüşməsindən narazı qalıb.
Məhərrəm onunla birlikdə kafedən kənara çıxıb və bu cür münasibət göstərməsini ona irad tutub.
Hüseyn kobud və təhqiramiz formada cavab qaytarıb. Bundan əsəbiləşən Məhərrəm özündə bıçaqla Hüseynə bir neçə zərbə vurub.
Zərərçəkmişə xəstəxanada vaxtında tibbi yardım göstərildiyi üçün həyatını xilas etmək mümkün olub.
Məhərrəm Quliyev barəsində Cinayət Məcəlləsinin 126.1-ci (qəsdən sağlamlığa ağır xəsarət yetirmə) maddəsi ilə ittiham elan edilib.
Bakı Ağır Cinayətlər Məhkəməsinin hökmü ilə Məhərrəm Quliyev 3 il müddətinə azadlıqdan məhrum edilib.
Hökmdən narazı qalan Məhərrəm Quliyev apelyasiya şikayəti verib və barəsində Cinayət Məcəlləsinin 70-ci (şərti məhkum etmə) maddəsi ilə ittiham elan edilib.
Şikayət Bakı Apelyasiya Məhkəməsində hakim Namiq Məmmədovun sədrlik etdiyi kollegiyada araşdırılıb.
Şikayəti təmin edilməyib.
Qərardan narazı qalan Məhərrəm Quliyev kasasiya şikayəti verib. Ali Məhkəmədə hakim Fərhad Kərimovun sədrlik etdiyi kollegiya kasasiya şikayətini təmin etməyib.
