Bərdə şəhərində himnimizə hörmətsizlik

Bərdə şəhərində yerləşən Bayraq Meydanında xoşagəlməz hal yaşanıb.

“Yeni Gündəm” in əməkdaşının məlumatına görə, rayonun mərkəzində yerləşən Bayraq Meydanında Dövlət Himninə baxımsızlıq hiss olunur.

Belə ki, himnin sözlərinin bəzi hərf və sözləri qopub və bu problem aradan qaldırılmayıb.

Qeyd edək ki, 2012-ci ildə Prezident İlham Əliyev Bərdə rayonuna səfəri zamanı Bayraq Meydanı ilə şəxsən tanış olub.

Bərdə Rayon İcra Hakimiyyəti ilə əlaqə yaratmaq istəsək də, zənglərimiz cavabsız qaldı.

Qarşı tərəfin fikirlərini dərc etməyə hazırıq.