Dəyərli aktrisamızın doğum günü..

Dəyərli aktrisamızın doğum günü..



Bu gün dəyərli aktrisamız Həmidə Ömərovanın doğum günüdür. Dəyərli Sənətkarımızı doğum Günü münasibəti ilə BEŞ.AZ Kollektivi Adından təbrik edir uğurları bol olsun deyirik. Həmidə Ömərova 25 aprel 1957-ci ildə Bakıda müəllim ailəsində anadan olmuşdur. 1975-1979-cu illərdə Ümumittifaq Dövlət Kinematoqrafiya İnstitutunun aktyorluq şöbəsində təhsil almışdır. 1979-1993-ci illərdə C. Cabbarlı adına "Azərbaycanfilm" kinostudiyasında, 1992-1993-ci illərdə Azərbaycan Kinematoqrafçılar İttifaqında çalışmışdır. Filmlərə çəkilməklə yanaşı, 500-dən artıq bədii filmin dublyajı və səsləndirilməsində fəal iştirak etmiş, "Azərbaycan kinosunda feminizm", "ABŞ kinosu: 1895-1945-ci illər", "Amerika kino tarixi" kitablarını qələmə almışdır. Hazırda Azərbaycan Dövlət Mədəniyyət və İncəsənət Universitetinin "Kinoşünaslıq" kafedrasına rəhbərlik edir.

1986-cı ildən Azərbaycan Dövlət Televiziyasında "Retro" kinozalının aparıcısı, 2002-ci ildən "Kinoştrix" verilişinin ssenari müəllifi olmuşdur.


Həmidə Ömərova "Qızıl uçurum" filmində
Şəfiqə ("Qızıl uçurum"), Çinarə ("Anlamaq istəyirəm"), Zümrüd ("Yol əhvalatı"), gəlin ("Vah!"), Zeynəb ("Babamızın babasının babası"), Telli ("Qorxma, mən səninləyəm"), Məleykə ("Üzeyir ömrü"), Afaq ("Nizami"), Şəfiqə ("Musiqi müəllimi"), Tamara ("Burulğan"), Nazlı ("Şirbalanın məhəbbəti"), Nuriyə ("Divlər zindanı", İran k/s), Nurzad ("Əzablı yollar"), Zivər ("Doğma sahillər"), xan qızı ("Dədə Qorqud oğuznamələri"), Elmira ("Dronqo") və s. obrazlar yaratmışdır.


BEŞ.AZ saytının Rəhbər Direktoru İlqar Kazımov.
BEŞ.AZ saytının Baş Redaktoru Könül Vəliyeva.
Və bütün BEŞ.AZ KOLLEKTİVİ ADINDAN.




Dəyərli aktrisamızın doğum günü..



Dəyərli aktrisamızın doğum günü..
Mədəniyyət