DƏHŞƏTLİ YANĞIN: Meşədə 9 hektar...

Türkiyənin Giresun şəhərinin Espiye bölgəsində baş verən meşə yanğınında 9 hektar ərazi zərər görüb.

Espiye icra başçısı Musa Baştürk verdiyi açıqlamada yanğının enerji ötürmə xətlərinin ağaclarla təması nəticəsində baş verdiyini deyib.
Yanğının baş verdiyi ərazidə nəqliyyatın olmaması səbəbilə əraziyə yanğınsöndürənlər gələ bilməyib. Baştürk küləyin təsiri ilə alovların yayıldığını bildirib.

Baştürk yanğın səhərə qədər davam edərsə havadan helikopterlə müdaxilə olunacağını deyib.

Yanğının baş verdiyi ərazinin dənizə yaxın olduğunu deyən Baştürk alovların çox qısa müddətdə söndürüləcəyini düşündüyünü bildirib. Yanğında iqtisadi dəyəri olmayan 9 hektar ərazinin zərər gördüyü bildirilib.