170 saylı məktəbin direktoru özünü icra başçısına bənzədir

170 saylı məktəbin direktoru özünü icra başçısına bənzədir
\

Nuranə Mirzəyeva deyir ki, əgər tənqidə görə Adil Vəliyevi işdən çıxarmayıblarsa, onu da direktorluqdan çıxarmazlar

İki gün bundan oncə mövzuya dair dərc etdiyimiz materialda biz göstərmişdik ki, hazırda 170 saylı məktəbdə "reanimasiya” əməliyyatları həyata keçirilir. Belə ki, bu barədə daxil olmuş məlumatlara görə, məktəbin direktoru Nuranə Mirzəyeva yol verdiyi müxtəlif qanun pozuntularının sayını minimuma endirmək üçün "ölü canlar”ı diriltməyə çalışır. Mənbələr həmçinin vurğulayırlar ki, bu maxinasiyaların böyük əksəriyyəti Nuranə Mirzəyevanın rəhbərlik etdiyi məktəbdə "evdə təhsil” proqramının icrası ilə bağlıdır. Artıq qeyd olunduğu kimi, bu gün "evdə təhsil” proqramı üzrə 170 saylı məktəbin 300-dən artıq şagirdinin təhsil aldığı rəsmi sənədlərdə qeydə alınıb. Onlara dərs deyən müəllimlərin sayı isə, 50 nəfərdən artıqdır. Lakin mənbələrin iddiasına görə, direktor "evdə təhsil” proqramı üzrə dərs demək üçün 170 saylı məktəbin özündən deyil, başqa məktəblərdən müəllimlər dəvət edir. Həmin müəllimlər hər bir "xəstə” şagirdə görə, Nuranə Mirzəyevaya ilkin olaraq 1200 manat, sonradan isə, hər ay 50 manat ödəyirlər. Məhz bu özbaşınalıqları ört-basdır etmək üçün də, artıq bir neçə gündür ki, məktəbdə sənədlərin "qaydaya salınması” məqsədilə intensiv iş gedir. Aldığımız məlumata görə, bu işlər dünən də məktəbdə davam etdirilib. Digər tərəfdən isə, Nuranə Mirzəyeva məktəbdə yoxlma aparan komissiyaları necə "razı salması” barədə aşkar bəyanatlar verməklə, bütün bunlardan qətiyyən çəkinmədiyini də büruzə verir. Mənbənin iddiasına görə, direktor bu yaxınlarda Bakı Baş Təhsil İdarəsindən gəlmiş növbəti təftiş komissiyasını da 30 min manatla "yola saldığını” bildirib. Elə bu səbəbdən də, Nuranə Mirzəyeva mətbuatda onun barəsində yazılan tənqidi materiallara qarşı tam etinasızlıq nümayiş etdirir. Hətta bu məsələdə direktor özü ilə, Sabunçu Rayon İcra Hakimiyyətinin başçısı Adil Vəliyevin arasında bir paralel də çəkir. Mənbə bildirir ki, dünən məktəbin dəhlizində, kollektivin bir neçə üzvünün qarşısında Nuranə Mirzəyeva belə bir fikir səsləndirib: "Qoy yazsınlar. İcra başçısından da çox yazırlar. Onu ki, işdən çıxaran yoxdur. Əgər bu gün məndən yazırlarsa, deməli mən yaşayıram...
Həmçinin, qəzetimizin ötən saylarında 170 saylı məktəbin fəaliyyətilə bağlı dərc etdiyimiz materiallarda direktor Nuranə Mirzəyevanın öz işində yol verdiyi bir çox digər qanun pozuntuları barədə də açıqlamalar təqdim olunmuşdu. Biz redaksiyamıza müraciət edən mənbələrə istinadən göstərmişdik ki, Nuranə Mirzəyevanın rəhbərlik etdiyi bu məktəbdə baş verən qanunsuzluqlar, şagird və valideynlərin hüquqlarının mütəmadi olaraq kobud şəkildə pozulması faktları bu müəssisənin fəaliyyətinin ayrılmaz hissəsinə çevrilmişdir. Dünən isə, yeni əldə etdiyimiz açıqlamalarda bildirilir ki, 170 saylı məktəbin XI sinif şagirdlərindən vinetka (xatirə albomu) bəhanəsilə hərədən 50 manat məbləğində pul tələb olunması da, şagirdlərin növbəti dəfə narazılıqlarına səbəb olmuşdu.
Nuranə Mirzəyeva isə, özünün havadarlarına arxayın olaraq, bütün bu narazılıqları tam etinasızlıqla qarşılayır. Yeri gəlmişkən, mənbə bildirir ki, direktorun ən çox güvəndiyi insanlardan biri də Hacıbala Abutalıbovun rəhbərliyi altında, Bakı Şəhər İcra Hakimiyyətinin strukturlarında işləyən Şahin adlı bir qohumudur...

Qarşı tərəfin də mövqeini işıqlandırmağa hazırıq.
"bizim.dovr"

pressdent.az
Oxşar xəbərlər
Prezident İlham Əliyev Sumqayıt şəhərinə səfərə gəlib
Prezident İlham Əliyev Sumqayıt şəhərinə səfərə gəlib
Azərbaycan Respublikasının Prezidenti İlham Əliyev noyabrın 16-da Sumqayıt şəhərinə səfərə gəlib. Dövlətimizin başçısı ümummilli Читать далее
Cəlilabaddan nazirə müraciət: Təhsilin qəniminə çevrilən Hafiz Cavadov şeytana PAPIŞ TİKİR
Cəlilabaddan nazirə müraciət: Təhsilin qəniminə çevrilən Hafiz Cavadov şeytana PAPIŞ TİKİR
Cəlilabaddan gənc müəllim təhsil naziri Ceyhun Bayramova müraciətində Rayon Təhsil Şöbəsi müdirinin fəaliyyətindəki Читать далее
«    Noyabr 2018    »
BeÇaÇCaCŞB
 1234
567891011
12131415161718
19202122232425
2627282930 
Mədəniyyət