Alı Alıyev Əhməd Əhmədzadədən nə xahiş edib?

Alı Alıyev Əhməd Əhmədzadədən nə xahiş edib?


Füzuli rayon icra başçısının məsələsi yuxarılarda ciddi şəkildə müzakirəyə çıxarılıb Onun nöqsanlı fəaliyyəti nəticəsində rayonun təhsil, mədəniyyət və səhiyyə sistemi bərbad hala düşüb Alı Alıyev Füzuli Rayon İcra Hakimiyyətinin başçısı vəzifəsinə təyin olunduğu gündən, yəni 2011-ci il 25 fevral tarixindən etibarən rayon sakinlərinin qara günləri başlayıb. Belə ki, hazırda Füzuli rayonunun bütün gəlirli sahələri – tikinti biznesi, heyvandarlıq kompleksləri, rayonun abadlaşdırılması adı altında aparılan kosmetik işlər və bu sayaq başqa məsələlərin hamısının icra başçısının əlində cəmləşdiyini vurğulayan məlumatlı şəxs Gundelik-Baku.com-a verdiyi bilgilərdə qeyd edir ki, adıçəkilən rayonda kənd təsərrüfatının inkişafı üçün dövlət büdcəsindən ayrılan vəsaitlərin böyük bir hissəsi mənimsənilir. Füzulinin hətta mövcud olmayan əraziləri üçün də dövlət büdcəsindən ayrılan subsidiyaların təyinatdankənar istiqamətlərə sərf olunduğunu iddia edən mənbənin sözlərinə görə, rayon üçün nəzərdə tutulan torpaqlara hər il büdcədən vəsait ayrılsa da, faktiki olaraq əhalinin sayı və mövcud əkin sahələrilə bağlı statistik rəqəmlər şişirdilir: «Deyilənlərə görə, icra başçısı Alı Alıyev heç bir hüquqi sərəncam olmadan 41 min hektar əkin sahəsinin 7 min hektarını Bakıda və digər rayonlarda yaşayan şəxslərin adına yazdırıb, nəticədə həmin əraziyə ayrılan vəsaitlər təyinatdankənar xərclərə sərf olunub. Bildiyiniz kimi, hər hektara görə dövlət tərəfindən fermerlərə 40 manat ayrılır. Həmin vəsaitin yarısı isə rayon rəhbərliyinə çatır. Fermerlərə verilən vəsaitin yarısının onlardan alınması narazılıq yaratsa da, heç kəs qorxusundan etiraz edə bilmir. Çünki etiraz edənlər yardımlardan bir dəfəlik əllərini üzə bilərlər. Odur ki, fermerlər məcburiyyət qarşısında qalıb səslərini çıxarmırlar». Əldə etdiyimiz informasiyada o da qeyd olunur ki, Füzuli Rayon İcra Hakimiyyətinin başçısının nöqsanlı fəaliyyəti nəticəsində rayonun təhsil, mədəniyyət və səhiyyə sistemi bərbad hala düşüb. Bunun əsas səbəblərindən biri kimi dövlət büdcəsindən ayrılan vəsaitin böyük bir qisminin icra başçısının şəxsi maraqlarına sərf olunduğunu deyən məlumatlı şəxsin bildirdiyinə görə, Alı Alıyev sürülərinə baxan çobanlara və işçilərə maaş verməmək üçün adamların adlarını dövlət müəssisələrində işə yazdırıb: «Deyilənlərə görə, onlara əməkhaqqı kartı belə verdirib. Lakin bu şəxsləri işdə görən olmayıb. Rayon səhiyyə şöbəsinin baş mühasibi Rəşid Camalovu və onun həyat yoldaşı, Horadiz şəhər 3 saylı orta məktəbin müəlliməsi olan Şəlalə Qəmbərovanı da işdə görən olmayıb. Buna səbəb isə Rəşid Camalovun Alı Alıyevin baldızının yeznəsi olmasıdır. Bütün bunlara rəğmən, onların əməkhaqqı kartlarına pul vurulur və tapşırıq da icra başçısından gəlib. Bundan başqa, Füzuli Rayon Təhsil Şöbəsinin bütün məktəblərindən hər ay pul yığılır. Bir müddət əvvəl isə qaydalar dəyişib. Belə ki, deyilənlərə görə, rayon təhsil şöbəsinin müdiri Ramella Məmmədova və kadrlar üzrə inspektor Şadya Qəhrəmanova bir-bir direktorları qəbul edərək, onlara bildiriblər ki, bundan sonra icra başçısının tapşırığı əsasında məktəblərdən yığılan pullar aylıq deyil, məzuniyyət pulları ilə birlikdə, cəm şəkildə veriləcək. Hətta direktorlara xəbərdarlıq edilib ki, əgər məsələylə bağlı kənara sızdırılma olarsa, onları və yaxınları işdən çıxaracaqlar. Bildirilir ki, Füzuli Rayon Təhsil Şöbəsinin müdirinin belə canfəşanlıq etməsinin səbəbi vəzifəyə gələrkən verdiyi böyük məbləğdə pulu bankdan kreditə götürməsidir». Bu arada, onu da diqqətinizə çatdıraq ki, son zamanlar Alı Alıyevin vəziyyəti bir qədər çətinləşib. Bu barədə əldə etdiyi bilgiləri Gundelik-Baku.com-la bölüşən mənbə iddia edir ki, hazırda icra başçısı düşdüyü çətin durumdan çıxmaq üçün müəyyən yollar axtarışındadır. Belə ki, artıq Alı Alıyevin vəzifədən kənarlaşdırılması məsələsinin gündəmə gəldiyini bildirən məlumatlı şəxsin sözlərinə görə, Füzuli rayon icra başçısı yuxarıların qəzəbinə gəlməmək üçün nüfuzlu şəxslərdən birinə minnətçi düşüb: «Deyilənlərə görə, Alı Alıyevin karyerasında irəliləməsində «Meliorasiya və Su Təsərrüfatı» ASC-nin sədri Əhməd Əhmədzadənin misilsiz xidmətləri olub. Belə ki, Əhməd Əhmədzadə ilə əvvəllər də iş birliyində olan Alı Alıyev onun bir nomrəli adamı olaraq Füzuli rayon Aqrar Sənaye Kombinantının direktoru, daha sonra Füzuli Rayon Suvarma Sistemləri İdarəsinə rəis təyin olunub. Üzərindən bir qədər keçdikdən sonra «Meliorasiya və Su Təsərrüfatı» ASC-nin sədri adamını Füzuli Rayon İcra Hakimiyyətinin başçısı vəzifəsinə gəirməyi bacarıb. Lakin deyilənlərə görə, son dövrlər Alı Alıyevin durumu xeyli ağırlaşıb və artıq onun icra başçısı postundan kənarlaşdırılması məsələsi gündəmə gəlib. Bu mövzunun yuxarılarda ciddi şəkildə müzakirəyə çıxarıldığından xəbər tutan Alı Alıyev dərhal əlaqələrini işə salmağa başlayıb. Bildirilir ki, o nüfuzlu şəxslərdən birinə minnətçi düşsə də həmin səlahiyyət sahibi icra başçısının xahişini rədd edib. Odur ki, Alı Alıyev yenə də Əhməd Əhmədzadəyə pənah gətirməli olub. Deyilənlərə görə, «Meliorasiya və Su Təsərrüfatı» ASC-nin sədri icra başçısına səbirli olmağı və tələsməməyi tövsiyə edib. Əhmədzadə yalnız bu halda Ali Alıyevə yardım göstərə biləcəyini bildirib». Mövzu ilə əlaqədar qarşı tərəfin də mövqeyini işıqlandırmağa hazırıq.

pressdent.az
Oxşar xəbərlər
Prezident İlham Əliyev Sumqayıt şəhərinə səfərə gəlib
Prezident İlham Əliyev Sumqayıt şəhərinə səfərə gəlib
Azərbaycan Respublikasının Prezidenti İlham Əliyev noyabrın 16-da Sumqayıt şəhərinə səfərə gəlib. Dövlətimizin başçısı ümummilli Читать далее
Cəlilabaddan nazirə müraciət: Təhsilin qəniminə çevrilən Hafiz Cavadov şeytana PAPIŞ TİKİR
Cəlilabaddan nazirə müraciət: Təhsilin qəniminə çevrilən Hafiz Cavadov şeytana PAPIŞ TİKİR
Cəlilabaddan gənc müəllim təhsil naziri Ceyhun Bayramova müraciətində Rayon Təhsil Şöbəsi müdirinin fəaliyyətindəki Читать далее
«    Noyabr 2018    »
BeÇaÇCaCŞB
 1234
567891011
12131415161718
19202122232425
2627282930 
Mədəniyyət